ອິນເດຍ ຕິດຕັ້ງລູກສອນໄຟປ່ອຍນຳວິຖີໃສ່ເຮືອສູ້ຮົບ ລຸ້ນ D68 INS Imphal
ສຳນັກຂ່າວຕາສ ຣັດເຊຍ ລາຍງານໂດຍອ້າງຈາກການລາຍງານຂອງກອງທັບອິນເດຍວ່າ: ກອງທັບອິນເດຍໄດ້ດຳເນີນການຕິດຕັ້ງ
ລູກສອນໄຟປ່ອຍນຳວິຖີລຸ້ນ BrahMos-ER ໃສ່ເຮືອສູ້ຮົບລຸ້ນ D68 INS Imphal ພ້ອມທັງດຳເນີນການຍິງທົດລອງ.
ລູກສອນໄຟລຸ້ນດັ່ງກ່າວ, ໄດ້ຖືກຍິງຈາກເຮືອສູ້ຮົບລຸ້ນ D68 INS Imphal ເຊິ່ງເປັນລຳທີ 3 ທີ່ປະຈຳການໃນກອງທັບເຮືອອິນ
ເດຍ. ລູກສອນໄຟປ່ອຍນຳວິຖີລຸ້ນ BrahMos-ER ຂອງກອງທັບອິນເດຍມີພື້ນຖານການຜະລິດມາຈາກລູກສອນໄຟປ່ອຍນຳວິຖີ
ຄວາມໄວກວ່າສຽງລຸ້ນ Yakhont (3M-55E) ເຊິ່ງເປັນລຸ້ນສົ່ງອອກລຸກສອນໄຟປ່ອຍນຳວິຖີ ຂອງຣັດເຊຍ. ກອງທັບອິນເດຍໄດ້
ນຳລູກສອນໄຟ ທີ່ຢູ່ໃນຕະກຸນດຽວກັນ ແຕ່ມີຄຸນນະພາບການໃຊ້ງານທີ່ແຕກຕ່າງກັນເຂົ້າປະຈຳການໃນກອງທັບ ມາເປັນເວລາຫຼາຍ
ສິບປີແລ້ວ.
ລູກສອນໄຟລຸ້ນດັ່ງກ່າວນີ້ມີສະມັດຕະພາບສູງເໝາະສົມແກ່ການສະໜັບສະໜູນເຂົ້າໃນພາລະກິດຕໍ່ຕ້ານກັບຝ່າຍກົງກັນຂ້າມ.
ລູກສອນໄຟປ່ອຍນຳວິຖີລຸ້ນ BrahMos-ER ມີໄລຍະຍິງໄດ້ໄກເຖິງ 500 ກິໂລແມັດ ແລະ ມີຄວາມແມ້ນຢຳສູງທີ່ສຸດໃນການ
ທຳລາຍເປົ້າໝາຍ. ສ່ວນເຮືອສູ້ຮົບລຸ້ນທີ່ຕິດຕັ້ງລູກສອນໄຟດັ່ງກ່າວໃສ່ແມ່ນມີຄວາມຍາວປະມານ 164 ແມັດ, ຄວາມກວ້າງ 18
ແມັດ ສາມາດບັນທຸກອາວຸດ ແລະ ຈຳນວນພົນໄດ້ຫຼາຍ.
ແຫຼ່ງທີ່ມາ: ໜັງສືພິມກອງທັບ
ວັນທີ 06/02/2024